什果涼粉.......諗起都怕怕!!!!

大頭貓

今日中午去甜品店食o左碗什果涼粉,食o既時候只係覺得好好食,完全唔覺得碗o野有咩異樣ga!! 但食完之後3個鐘左右,突然覺得勁肚痛,跟住就肚瀉!! 瀉o左一次之後, 我就拿拿聲食西藥止住瀉先! 因為我黃昏仲要搭車出街做野呀!!
(藥盒上註明: 開始時服2粒,如再排出軟便時可再服一粒.成人每日服用最多4粒.) 咁我就根據盒上o既指示,開次時食2粒,但過o左一個鐘都未止到瀉,跟住我再食多粒藥,不過大半個鐘後都仲係有d唔妥,於是我唔理咁多喇,食第四粒藥,之後至再無肚痛肚瀉咋!!( 差不多兩個鐘頭內食o左4粒藥!! 但真係無辦法,止唔到瀉我點搭車呀!!)
我從來都未試過要食咁多粒止瀉藥先止到瀉ga,唔知有無咩副作用tim ga??(e家個肚有d脹痛tim!!)
如果真係因為食錯o野而肚瀉,唔知有無咩中成藥可以止到呢?應該無乜副作用啩?!  唔該,請問有無人可以話我知呀??
**唔知夜d藥力過o左之後會唔會再瀉tim ga??!! **

[ 本帖最後由 大頭貓 於 2008-4-29 09:22 PM 編輯 ]

nastsin

一般我會用“高效五寶散”，
對於這類腹瀉都會有效。

不過，
病從口入，
都係少吃這類生冷東西為妙！

大頭貓

多謝幫忙!
其實我極少去甜品店食野ga! 點知一食就出事 !!
我會戒食生冷野ga喇!

[ 本帖最後由 大頭貓 於 2008-4-30 09:28 PM 編輯 ]

Chichung

保重啊！

大頭貓

昨晚覺得上腹部非常脹痛,胃悶悶咁,瞓覺時又要左擰右擰,好辛苦呀!
瞓到五點鐘就爬o左起身走去嘔! 嘔完至發覺個胃入面全部都係水,唔怪得咁脹啦! 嘔完之後覺得舒服d,之後再瞓多陣!!
今早起身都仲係覺得個上腹有d脹,又無胃口(飲水都有d反胃!),個人無晒力,頭暈暈!
點先可以好番呀?????

nastsin

濕濁困阻中焦吧！

KEC

大頭貓姊，去看醫生吧，不要延誤了病情。
另，大家有否留意到，某牌子的五寶散所標示的成份與保濟X所標示的的成份一樣呢

大頭貓

今日下午睇o左西醫喇,佢話我應該係食o左不潔食物而引致腸胃炎,佢開o左d抗生素消炎藥之類o既藥俾我.
食o左兩次藥,好番d喇!
我原本想睇中醫ga,不過諗起要飲藥就反胃喇!
食o左幾餐白粥再食埋西藥,e家真係無晒味覺,口寡寡咁!

nastsin

原帖由 KEC 於 2008-4-30 10:43 PM 發表
大頭貓姊，去看醫生吧，不要延誤了病情。
另，大家有否留意到，某牌子的五寶散所標示的成份與保濟X所標示的的成份一樣呢

真係？
我極少用保濟x，所以不太了解其成份。
至於五寶散，市面亦有很多牌子，
以前燮x堂的不錯，但改方以後，
療效就變得很差了。

食幾日粥應該很快會痊癒的，
順便清清腸胃吧！
以後小心點啦！
祝安康！