東南亞菜館

Lydia

py4t: 我都想喎, 不過我冇資金.
不如咁, 你出$$, 我出力.

唔。。。。。。可以考慮。
我想有一間coffee shop, 有我喜歡喝的藍山咖啡，愛爾蘭咖啡，還有特色甜品。。。。。。
發緊夢。。。。。。嘻嘻！

py4t

nastsin: 是的。
回水？！
差不多80元一碟，
只係得木瓜，其餘乜都無。
仲唔係好大碟，
好肉掣！

會唔會係你眼大，睇唔到其他材料呀?

py4t

Lydia: 唔。。。。。。可以考慮。
我想有一間coffee shop, 有我喜歡喝的藍山咖啡，愛爾蘭咖啡，還有特色甜品。。。。。。發緊夢。。。。。。嘻嘻！

我唔止會發夢，仲會夢遊，入廚房搵食

nastsin

py4t: 會唔會係你眼大，睇唔到其他材料呀?

有可能的，因為我都眼大大。
但亦有可能是廚師的功夫太好，
將你所講的其他東西切到看不到！
不過，
我相信自己比較多！

py4t

再講泰國菜

泰式醃粉絲
攪碎豬肉120克，用生粉、醬油各半茶匙，生油、水各一茶匙醃片刻。

燒熱油，爆香蒜茸一茶匙，蝦米30克，加入豬肉炒至熟透。

木耳10克浸軟切絲，用滾水煮5分鐘，盛起瀝乾水分。

粉絲100克浸透, 用滾水煮5分鐘，盛起過冷河，再浸於凍滾水中，全凍後瀝乾備用。

用少許麻油拌勻粉絲，加入青椒一個切絲，洋蔥半個切絲，甘筍絲少許，再加雞粉、
魚露各一湯匙，白醋一湯匙，雞醬半杯，蒜茸一茶匙拌透即可。


涼拌猪耳
猪耳一隻洗淨汆水。

水2杯，加入猪耳，香芧茸一條，白醋少許，煮至猪耳焾，攤涼，切薄片。
食時淋上汁料。

汁料：青檸汁2湯匙，魚露3湯匙，糖一茶匙，紅辣椒碎2隻，水半碗拌匀。


涼拌米粉
米粉160克浸軟，用滾水灼熟，攤涼備用。

在米粉上面放上熟雞蛋片2隻切，紅蔥頭切2粒，薄荷葉數片，紅辣椒切花2隻即可。
食時淋上汁料。

汁料：燒熱油爆香蒜茸一湯匙，加蝦米碎80克炒香，      
      再加紅辣椒碎拌勻。  
      盛起後加青檸汁2湯匙，鹽、糖、胡椒粉各1/4茶匙，
      水半碗拌匀。

待續。。。。。。

py4t

炸魚餅
魚肉240克攪爛，青豆角20克切細粒，檸檬葉碎茶匙，雞蛋半隻，加入調味料，順一個方向攪至起膠。
將魚肉搓成餅形，以中火煎至金黃色即成。

食時蘸汁料。

調味料：辣椒膏一湯匙，鹽、糖、雞粉各1/4茶匙，生粉半湯匙，油半茶匙，麻油、胡椒粉各少許。

汁料：魚露、椰糖各2湯匙，酸子汁3湯匙，煮滾，攤涼後加蒜茸、紅辣椒碎、洋蔥碎各一茶匙。


香葉包雞
雞腿肉2隻洗淨，切6至8件，用魚露、醬油各一湯匙，糖、雞粉、芫荽粉、咖哩粉、酸柑汁各一茶匙，
鹽及辣椒粉各少許醃一小時。

班蘭葉16塊洗淨，修整，每片葉包一塊雞，炸成金黃色即可。
食時可蘸雞醬。


泰國菜卷
燒熱2湯匙油爆香蒜茸一茶匙，加入剁碎豬肉160克炒熟，再加入熟蝦米茸2湯匙，
加糖半茶匙，鹽半茶匙，魚露一湯匙，胡椒粉少許煮匀。

生菜160克洗淨，瀝乾水分，修剪整齊。

每片生菜包2湯匙豬肉餡，加少許菠蘿粒，熟花生茸，炸麪包粒，包成春卷狀即可。
食時可蘸辣蝦醬。

待續。。。。。。

py4t

茄子雞肉綠咖哩
雞腿肉240克切件，茄子一條切角。

燒熱鑊，加油，以慢火將綠咖哩醬3湯匙，椰汁4湯匙，糖一茶匙，邊攪邊煮至有香味溢出，
盛起待凍，把雞腿肉加入撈匀醃20分鐘。

燒熱油爆香蒜茸一茶匙，倒入已醃之雞肉炒香，加入調味料及檸檬葉6片煮滾，再加入茄子，
改以慢火煮5分鐘，最後加入香花菜一棵，再煮5分鐘即可。

調味料：椰汁一杯，椰糖一茶匙，魚露一湯匙，雞粉一茶匙。


粟米榚
粟米3條去衣，嫩的粟米衣留用。
粟米洗淨刨茸，加入粟粉2湯匙，椰汁半杯，糖4湯匙，鹽少許拌勻。

每張粟米衣上放2湯匙粟米茸，包成長方形，用大火蒸20分鐘即可。


香葉椰汁西米布甸
班蘭葉48塊，洗淨後摺成四方小模型。

西米用水浸一小時，隔去水分。

煮溶清水一杯及糖80克，加入西米煮熟，再加入椰汁3/4杯，粟粉水(粟粉30克加水2湯匙調匀)，
邊煮邊攪至濃稠，加入粟米粒拌勻，倒入小模型內至8分滿。

煮熱椰汁1杯半，加鹽3/4茶匙，再加入粟粉椰汁(粟粉6湯匙加水6湯匙調匀)，攪成糊狀，
放少許在西米布甸，中心放一粒粟米，放入雪櫃冷凍即可。

泰國菜完。

nastsin

乜咁快就完呀！

唔知你識唔識整咖哩呢？
我都幾鍾意食，但係又怕辣。
聽說有些咖哩唔係咁辣，好好味，
唔知有無人識整。

nastsin

請問，可否說說可以在那裏購買製作越式食品的材料呢？
因為有時都唔知去邊道先買到這些材料。
謝謝啊！

py4t

樓上咪有咖哩囉，怕辣用日式咖哩粉啦，甜的。

未完晒的，還有新加坡和印尼菜。

一般的東南亞食品店都有得賣。