日誌
手術,在地動山搖時
熱度 7
11/3 星期,正值日本大地震時,剛在手術室做小手術,
幸好香港無受影響。
入住的是教會醫院表時已有,亦是著名生仔醫院,院方多
次來電提醒要早點到登記上房,我的主治醫生當日有好
幾個手術要做,大清早五星級接待處已人頭湧湧,好多孕
婦和家人推著行李辦手續,填入院表時已有工作人員量
血壓,真係咁繁忙?以信用咭交押金,剛放低支筆接待員已
經幫我拎手提袋送我上房,唉!送我入院個人車都末泊好,
真係怕失散左搵唔返,停一停、等一等都得卦?
上到入住樓層要到護士室做手術前登記,係一位2年級學
護,她唔識我要做的手術名,要拎本記事薄出來搵,好驚!會
否攪錯?
終於被送去手術室,心情好緊張,原來只係等候處,好似泊車咁,
有十張八張床泊係到等,又有護士姐姐來再覆查資料,以免
出錯,又等.....,左右兩位都是從國內來生小孩,閒著無聊大家
閒話家常幾攪笑,這時有位駐院的院牧來和我們傾談,得悉我
們都無宗教信仰,她就為我們禱告、祝手術順利,護士姐姐見
我等得耐,成日過來和我講下話........,等到俾人拍醒,因手術中的
病人出了點問題,難度高左,要做多點時間,要推返上房等,吓!
又要再驚過,手術室外好似街市咁多人,推出推入我又清醒真
無奈!
上到房家人都以為做好,點解我咁勁眼精精,真都做混吉!
叫家人去食飯先,不用陪伴我了,都末知幾時輪到。
終於又在等候處,麻醉科醫生見我等左咁耐,走來攪下氣氛,
問我重記唔記得做甚麼手術,左定右?左右都做?
醫生來到再確認今次要做的治療,我問佢休息夠末?佢話閒事,
午餐都末食,做完我重要做個四、五個鐘的手術才收工,外科
醫生真係要鐵打先得,入到手術室感到好凍,醫生話佢都好凍,
吓又餓又凍,會唔會割錯......,朦朧間聽到有如天籟之音在耳邊
輕輕說:「手術做好了,良性」,這句係我聽過最動聽最開心、最
期待的話,護士姐姐話傷口好細,做得好靚,始終都無法張開眼多
謝他們。
醒過來已在病房,一小時後已可以自己落床,護士姐姐堅持要扶
我上洗手間,真係細心又有耐性。
食過晚餐家人都回家了,睇下電視嘆下世界,醫生重黎巡房,咁夜
護士都話佢應該唔上來,俾佢捉到咁夜都唔瞓添。
一宿無話,六點多已被拍醒量血壓,精神奕奕叫份早餐食完,化好妝
等醫生簽字就走得,醫生黎到見我個出院樣都笑著話唔駛問我覺
得點了,俾手術相我睇完約好覆診就放我出院。
終於放下心頭大石,好感恩!總會在生病時遇上好醫生,上網查過這
位醫生資料,再望下佢對手(外科醫生要有對纖細的手)就選定他,
真是一位細心又有耐性醫生,向我商討手術詳情成30分鐘,每次都
問我重有無野要問?問哂喇,放我走喇!哈哈!
最唔好係唔俾我考試、讀書,一定要休息,今年都唔好諗,睇下點!
發表評論 評論 (13 個評論)
- 回復 黃藥師
- 前路漫漫任妳闖，
蓉蓉: 多謝!寫咁長因為太清閒,已唔記得剛做過手術,醫生好好手藝!已出過街食飯,真想明天偷走返工,選星期五做手術,休息兩天就上班,但醫生開了七日病假,到星期五,咁早返工 ...
大把世界，
何爭朝夕，
休息多些吧！
- 回復 ali0518
- 一上手術台就有一種任人宰割的感覺，
相信妳有很深的體會才是，
當聽到一切順利，是良性時，
那種喜悅的感覺的確令人難忘，
妳會感恩那就是一個不會忘本的人，
感恩 上天～
也感恩那些悉心照料妳的護士、醫生及妳的家人朋友。
妳知道嗎？台灣的醫院文化是手術前要先塞紅包給醫生及護士，
病人才會得到好的照料，否則有的人曾在手術後隔一段時間，
發現自己手術的地方還是很痛，到別家醫院檢查時，
才知道以前手術時止血棉布還留在體內並未拿出，
或是手術作的有瑕疵，後遺症很多，在台灣要特別注意，
希望香港應該沒有這種文化才對！！
祝 康泰！！
- 回復 蓉蓉
- 休息到好悶,明日由早至黃昏已預約好剪髮.....,一於嘆下世界,$6000一定駛突
nastsin: 唔使祝，你都已經早日康復了！
得閒行街睇戲食飯，
工就唔好返住，
休息多一點雖然會增碗，
但長遠計應該是有著數的。
你唔精明，應該會明白！
加油啊！ ...
