日誌
執法不力
熱度 5 |
曾一哥到立法會解畫，
出來時被示威人士掟紙飛機，
之前也曾發生過在別人身上。
會場內掟其他物品，
如蕉、水樽等，
已經成了常規，
如果不掟，
就太平淡了。
在會場內，
議員搞邊科都無佢符，
最多只係請他離場，
因為有免責權。
但會場外則應該依法行事。
曾一哥被掟飛機，
警察如果執法大嚴，
一定被人話弄權，甚至話公報私（？）仇。
而且，紙飛機無乜殺傷力，
好難話佢地傷害他人身體，
好難告得入，
之前有人“請”曾特食粟米斑腩飯，
真係好難charge佢地，
唔通請人食飯都唔得咩？
其實，
應該找食環署的同事來幫手，
因為掟飛機即係掟垃圾，
除非你用銀紙摺，
否則，
掟紙飛機就當掟垃圾，
應該唔係“當”，根本就係掟垃圾，
記得拍照存檔。
唔該每位1500，
益下庫房及大眾！
食環署除了會拉小販，
捉垃圾蟲外，
其他事情都很少參與，
一般人亦認為他們只會欺負弱勢社群，
專捉老弱婦嬬，
所以如果想番身，
應該積極參與，
見一個告一個，
頭上馬上有光環！
但有人公然掟垃圾都無人理，
明顯係執法不力，
食環署今次真係難辭其咎，錯失良機！
食環署署長係邊個？
唔多記得，
上網找找先！
